تفاصيل تصريحات شيكابالا مع عمرو أديب

0

كتب فرحات غنيم

كشف لاعب نادي الزمالك شيكابالا في حلقة  أمس من برنامج الحكاية مع عمرو أديب عن تفاصيل مشكلته مع اتحاد الكرة والدوري واعتزاله وهذا نص تصريحات شيكابالا

شيكابالا مع عمرو أديب
شيكابالا مع عمرو أديب

:
– مبقدرش اتمالك دموعي وامنع نفسي لما بشوف كلام جمهور الزمالك هما في قلبي وعلى راسي
– هما بيوصلوا للناس حاجات غريبه لكن اللي بيحصل غير كده انا لعيبه الاهلي صحابي وجمهور الاهلي المحترم عارف شيكابالا والجمهور فالشارع عارف اني مش كده ، بيوصلوا للناس ان الزمالك قليل لا الزمالك كبير وبنتعامل فكل حته فالعالم الزمالك عظيم ومن غير الزمالك مش هيبقى فيه كوره فمصر
– الاسماعيلي نادي عظيم عيب تقول بيفوت وايهاب جلال مدرب محترم مينفعش تقول عليه بيفوت لو كل ده عشان الدوري خدوه مش عاوزينه
– في فنان اهلاوي طلع قال اني كلمته عشان ارجع من البرتغال للاهلي وانا كنت ممكن اكدبه لكن مش شيكابالا اللي يعمل لو كنت عاوز ارجع الاهلي كنت كلمت متعب او حسام غالي لكن هكلمك انت اعمل بيك ايه
– السنه الجايه ان شاء الله هنجيب الدوري والمفروض بعد تعبنا السنادي الناس تباركلنا مش تحاربنا زي اللي بيحصل
– احنا خدنا كل البطولات في كل الالعاب الجماعيه رغم المشاكل اللي عندنا بس الحمد لله ربنا كرمنا ومضيعش مجهودنا
– في ماتش الباسكت عضو اداره الاهلي اشترط ان شيكا يخرج عشان يلعبوا ! معقول عاوز تطردني من بيتي عشان تلعب ؟ ماتشك اللي قبله الصاله كانت مليانه ومحدش اتكلم عيب تطردني من بيتي وتتشرط بكده
– لما كنت بلعب في السعوديه كنت متضايق من تنظيمهم ليه احنا مش زيهم انا عاوز نبقى زيهم ويبقى فيه عدل عشان يبقى عندنا ٢٠ صلاح و٢٠ النني و٢٠ تريزيجيه ، مستغربين اداء المنتخب وحش ليه عشان سوء التنظيم وغياب العداله
– بقول لاتحاد الكوره بص للازمه بعين الاب وانك كبير العيله انا معملتش حاجه عشان اتوقف ٨ شهور واتمنى حل الازمه
– لجمهور الاهلي المحترم معنديش مشكله معاهم لو مجبتوش سيره الام وزوجتي وابني انا على طول رد فعل وياريت ميبقاش فيه عنصريه
– معرفش الانتخابات هتتعمل امتى لكن اتمنى اللي يبقى موجود يبقى بيحب الزمالك ويحل مشاكلنا وميبقاش فيه مشاكل بين اللاعبين واللي يغلط يتحاسب واتمنى اللي جي يساعدوا زي اللجنه الحاليه ما بتحاول تساعد
– جمهور الزمالك لوقعدت ١٠٠ سنه مش هديهم حقهم بحبهم ولما بشوفهم بيتكلموا عني دي عندي حاجه كبيره اوي وياريت نفرحهم دايما لأنهم يستحقوا
– بشكر مراتي لانها بتتشتم دون ذنب وبتستحمل ، ادم زملكاوي بيلعب برجليه الاتنين وهيكمل مسيرتي ان شاء الله

اترك تعليقا

لن يتم نشر عنوان بريدك الإلكتروني.

Translate »